శ్రీశాంత్‌కు క్రికెటర్‌గా మంచి ఇమేజ్ ఉంది కాబట్టి అతడితో సినిమా తీస్తే బాగా క్యాష్ చేసుకోవచ్చునని సినిమా వాళ్లు భావించారు. దీంతో 2009లోనే ఇతడు హీరోగా ఒక సినిమా ప్రారంభంకానుందనే వార్తలు వచ్చాయి. ఆ తర్వాత ఏమైందో ఏమో అది ఆగిపోయింది. అప్పట్లో శ్రీశాంత్ క్రికెటర్‌గా బిజీగా ఉండటంతో ఆ సినిమా ఆగిపోయిందన్నారు.
స్పాట్ ఫిక్సింగ్ కారణంగా ఇప్పట్లో శ్రీశాంత్ క్రికెట్ ఆడే సూచనలు లేవు కాబట్టి శ్రీశాంత్ సినిమా తీయడానికి ఇదే సరైన సమయం అని మలయాళీ సినిమా వాళ్లు భావిస్తున్నారట. ఈ మేరకు అతనితో సినిమా తీయడానికి ప్రయత్నాలు ముమ్మరం అయ్యాయని సమాచారం. శ్రీశాంత్‌ని హీరోగా పెట్టి రూపొందించబోయే సినిమా అతి త్వరలోనే ప్రారంభం కానుందని, ఇందులో ప్రభుదేవా, ప్రకాశ్‌రాజ్‌లు కూడా ముఖ్యపాత్రలు చేస్తున్నారని తాజా సమాచారం. ఈ సినిమాకి 'బిగ్ పిక్చర్' అనే పేరు పెట్టనున్నారనే వార్తలు వినిపిస్తున్నాయి.